Cyflwynwyr
1. Pa Ŵyl neu ddigwyddiad wyt ti'n edrych ymlaen ato yn
2012?
Pencampwriaeth y chwe glwad! Wedi Cwpan y Byd llwyddiannus
i Gymru dwi'n obeithiol iawn i fechgyn Cymru! Mi fyddai'n canu yn y
stadiwm cyn gêm Cymru yn erbyn yr Eidal gyda Chôrdydd, felly'n
edrych mlaen at brofi'r awyrgylch. A dwi'n siwr bydd y gêm
olaf yn hynod gyffrous, gan y bydd Cymru yn eiddgar iawn i daro'n
nôl yn erbyn y Ffrancwyr wedi'r gêm gynderfynol ddadleuol yng
Nghwpan y Byd.
2. Wyt ti'n mynd ar dy wyliau blwyddyn yma?
Y bwriad ers sawl blwyddyn bellach yw mynd i Seland Newydd
am fis a theithio rhwng y ddwy ynys mewn camperfan! Ma' Gareth a
fi'n gobeithio y gallwn ni fynd ddiwedd y flwyddyn, h.y os yw Chris
ac Erin yn medru ymdopi hebddai!!
3. Dy hoff olygfa yng Nghymru?
Yr olygfa o gopa Tal Mynydd, Sir Benfro yn ei holl
ogoniant!
4. Pa fis yw dy ffefryn a pham?
Mis Ebrill gan bod tywydd misoedd Ebrill y gorffennol wedi
bod yn fwy fel tywydd yr haf. Mae rhyw deimlad newydd yn yr aer,
golwg dda ar y tir a mae'n gyfnod hyfryd ar ein fferm ni achos dyna
pryd y mae'r defaid yn dod ag ŵyn bach.
5. Swydd ddelfrydol?
Mynd o amgylch bwytai yn feirniad seren Michelin.
6. Beth oedd dy swydd gyntaf?
Fy swydd gyntaf oedd gweithio fel gweinyddes yng Nghaffi
Beca, Efailwen. Dechreuais i weithio yno pan yn 14 yn ystod y
gwyliau a pharhau i wneud hynny tan yn 21. Roeddwn wrth fy modd
yno!!
7. Dy gar cyntaf?
Corsa Du
8. Hoff gân?
Bohemian Rhapsody gan Queen, a 'dwi wrth fy modd gyda'r
emyn Rhys.
9. Hoff ffilm?
The Sound of Music
10. Parti gorau i ti erioed fod ynddo?
Ein Priodas. Cael ein teulu a ffrindiau gyda'n gilydd i
ddathlu a diolch i'r Dhogie Band buodd y llawr danwsio yn llawn
drwy'r nos!
11. Os byddet ti'n cael y cyfle i fynd mewn peiriant
amser, pa gyfnod byddet ti'n hoffi ymweld?
Y 1920au. Roedd hi'n ymddangos fel degawd llawn hŵyl gyda
phobl yn teimlo'n eithaf optimistaidd wedi'r Rhyfel. Roedd dillad y
cyfnod yn apelio ac roedd cerddoriaeth Jazz yn ei anterth.
12. Ffaith ddiddorol amdant ti dy hun?
Mae rhai aelodau o fy nheulu yn fy nghymharu i
Gorwynt.
13. Beth sydd yn dy wylltio neu yn dy wneud yn
anhapus?
Pobl anghwrtais a phobl sy'n gyrru'n araf yn y lôn ganol
ar y draffordd.
14. Beth sy'n codi dy galon?
Bwyd da, cwmni difyr a glased mawr o win coch!